Na Palessi prybrali ŭradžaj na palach — pačalisia piasčanyja bury FOTA
Heta Stolinski rajon, niedaloka ad miažy z Žytkavickim: nievialikija barchany i piasčanaja bura. U apošnija hadoŭ dziesiać-piatnaccać heta pryhožaje vidovišča stanovicca ŭsio bolš zvyčajnym dla našaj krainy. Na zdymkach — byłyja tarfianiki, paviedamlaje Onliner.
23.10.2021 / 09:07
Kali pali prybranyja i razaranyja, nadychodzić siezon pyłavych bur. Viecier na dziasiatki kiłamietraŭ haniaje drobnyja čaścicy hruntu i arhaniki, farmirujučy novy łandšaft, zamiatajučy darohi.
Dla Prypiackaha Palessia, jakoje ŭsio žyćcio ličyłasia bałotnym rehijonam i akumulataram vady, takaja źjava była b vielmi niezvyčajnaj jašče 15 hadoŭ tamu. Zaraz usio ŭ paradku rečaŭ, pryvykli.
Akazałasia, što ŭradlivy płast, jakim my tak hanarylisia, čamuści nie adnaŭlajecca za košt sievazvarotu. Z hetym pyłam zrabić užo ničoha niemahčyma. Navat pry najaŭnaści apadkaŭ — jany prosta prachodziać, nie zatrymlivajučysia, skroź drobny pył, tolki na čas pieratvarajučy jaho ŭ hraź.