Каля Гродна алень ужо тыдзень выходзіць на дарогу да людзей ФОТАФАКТ
Каля аграгарадка Парэчча на дарогу проста пад аўтамабілі выходзіць прыгожы алень.
24.10.2021 / 18:30
Ён зусім не баіцца людзей і не палохаецца аўтамабіляў, піша «АўтаГродна».
«Ён выходзіць да людзей на дарогу паміж Рыбніцай і Багушоўкай. Ужо як тыдзень заўважаем яго тут. Ён абсалютна не баіцца людзей. Пазіруе на камеру. І выходзіць проста на машыны… Асцярожна… Калі ласка, не збіце гэтага прыгажуна», — напісаў у рэдакцыю выдання чытач.