Меркель і Пуцін зноў абмеркавалі Беларусь
Як перадае прэс-служба Крамля, сёння адбылася яшчэ адна тэлефонная размова Уладзіміра Пуціна з выканаўцай абавязкаў федэральнага канцлера ФРГ Ангелай Меркель. Пытанне Беларусі палітыкі абмяркоўвалі і ўчора.
11.11.2021 / 19:18
Прадметам размовы стала сітуацыя на межах Беларусі з краінамі Еўрасаюза. «Абодва бакі пацвердзілі важнасць найхутчэйшага ўрэгулявання вострага міграцыйнага крызісу ў адпаведнасці з міжнароднымі гуманітарнымі нормамі», — гаворыцца ў паведамленні.
Уладзімір Пуцін выказаўся на карысць аднаўлення кантактаў паміж дзяржавамі ЕС і Беларуссю ў мэтах вырашэння гэтай праблемы.
Меркель у сваю чаргу заявіла, што прычынай абвастрэння сітуацыі на польска-беларускай мяжы, звязанай з наплывам мігрантаў, з'яўляюцца ўлады Беларусі, як паведаміў афіцыйны прадстаўнік урада Нямеччыны.