Pieršuju apieracyju pa pierasadcy serca praviali ŭ Mahilovie
U Mahilovie praviali pieršuju ŭ rehijonie apieracyju pa pierasadcy serca, paviedamiŭ hałoŭny ŭrač Mahiloŭskaj abłasnoj kliničnaj balnicy Anatol Kulik, piša BiełTA.
23.11.2021 / 17:21
Serca pierasadzili 43-hadovamu mužčynu z sardečnaj niedastatkovaściu. Pa słovach miedykaŭ, da hetaj apieracyi pačali rychtavacca adrazu paśla adkryćcia novaha kardyjachirurhičnaha korpusa, jakoje adbyłosia 5 listapada 2021 hoda. Apieracyja stała ŭnikalnaj i vyznačalnaj dla dalejšaha raźvićcia Mahiloŭskaj abłasnoj kliničnaj balnicy, upeŭnieny hałoŭny urač.
«Apieracyja na adkrytym sercy dla nas nie prosta ŭvasableńnie mary, a niešta bolšaje, — padkreśliŭ Anatol Kulik. — U Mahilovie ciapier robicca toje, što možna zrabić va ŭsim śviecie».