Polšča i krainy Bałtyi zaklikajuć uvieści sankcyi JES suprać asob i instytutaŭ, datyčnych da nielehalnaj mihracyi ź Biełarusi
Kiraŭniki polskaha, litoŭskaha, łatvijskaha i estonskaha parłamientaŭ u supolnaj zajavie patrabujuć jak maha chutčej uvieści sankcyi Jeŭrasajuza suprać ludziej i instytutaŭ, źviazanych z režymam Alaksandra Łukašenki, paviedamlaje «Polskaje radyjo».
23.11.2021 / 19:10
Jany taksama prapanavali padoŭžyć hetyja sankcyi ŭ vypadku, kali Biełaruś budzie praciahvać svaju supraćpraŭnuju dziejnaść.
Takuju pazicyju na pres-kanfierencyi pradstaviła maršałak Siejma Elžbieta Vitek.
— Pravakujuć kryzis na ŭschodnich miežach Jeŭrapiejskaha sajuza. Pahražajuć biaśpiecy cełaha rehijona, pahražajuć žyćciu mirnych žycharoŭ. Heta parušaje mižnarodnyja abaviazki, parušaje asnoŭnyja pravy čałavieka.
Zaklikajem da pryniaćcia novaha pakieta sankcyj, uzhodnienaha padčas sustrečy ministraŭ zamiežnych spraŭ dziaržaŭ JES. A taksama ŭvieści sankcyi suprać asob i instytutaŭ, źviazanych z režymam Alaksandra Łukašenki, jakija byli zadziejničanyja ŭ schiemach nielehalnaha pierachodu źniešniaj miažy Jeŭrasajuza.