Na «Biełarusnafcie» z-za vybuchu abstalavańnia zahinuŭ supracoŭnik, jašče adzin rabočy ŭ reanimacyi
Na pradpryjemstvie «Biełarusnafta» ŭ noč na 28 listapada zahinuŭ supracoŭnik. Pra heta błohu «Otražieniie» raspaviała siastra zahinułaha. Uładzimiru Całujku było 33 hady, u jaho zastalisia žonka i dvuchhadovaja dačka.
29.11.2021 / 12:59
Uładzimir Całujka byŭ pamočnikam burylščyka. Učora jon vyjšaŭ na źmienu i ŭ 23:20, Jak raspaviała siastra Uładzimira, z-za pavyšeńnia cisku va ŭstanoŭcy adbyŭsia vybuch hidrakampiensatara.
Ad avaryi paciarpieli dva čałavieki: Uładzimir Całujka zahinuŭ, pa słovach siastry, «u jaho niama pałovy tvaru». Druhi rabočy ciapier znachodzicca ŭ reanimacyi ŭ ciažkim stanie — u mužčyny paškodžanyja nohi.
Dziaŭčyna apisvaje brata jak vielmi adkaznaha čałavieka, jaki zaŭsiody nadavaŭ šmat uvahi siamji, dapamahaŭ maci, rabiŭ na dźviuch pracach, kab zabiaśpiečyć žonku i dačku.