Dvum bratam dali «chimiju» za žnivieńskija pratesty
U sudzie Maskoŭskaha rajona Minska da troch i dvuch z pałovaj hadoŭ «chimii» za ŭdzieł u žnivieńskich pratestach asudzili dvuch palitźniavolenych bratoŭ: 42-hadovaha Alaksieja i 40-hadovaha Alaksandra Rusieckich.
30.11.2021 / 13:35
Ich abvinavacili pavodle č. 1 art. 342 Kryminalnaha kodeksa (aktyŭny ŭdzieł u dziejańniach, jakija hruba parušajuć hramadski paradak). Paśla vyniasieńnia prysudu ich vyzvalili ŭ zale suda, paviedamlajuć pravaabaroncy.
Alaksieja identyfikavali pa fota, dzie jon staić u sčepcy ŭ noč 10 žniŭnia minułaha hoda. Zatym jaho brata Alaksandra vyklikali ŭ HUBAZiK, dzie i zatrymali. Jany pryznali vinu całkam i raspaviali, što razam udzielničali ŭ akcyi pratestu.