Novym kancleram Niamieččyny aficyjna abrany Ołaf Šolc
Deputaty bundestaha bolšaściu hałasoŭ abrali 63-hadovaha Ołafa Šolca novym kancleram Niamieččyny, paviedamlaje Der Spiegel. Za jaho prahałasavali 395 deputataŭ, dla abrańnia nieabchodna było atrymać 369 hałasoŭ.
08.12.2021 / 13:28
AFP
Šolc staŭ dziaviatym fiederalnym kancleram Niamieččyny. Jon źmianiŭ na hetaj pasadzie Anhiełu Mierkiel, jakaja ŭznačalvała ŭrad ciaham 16 hadoŭ.
Cikava, što paśla abrańnia Šolca sajt kanclera Niamieččyny źmianiŭ damiennaje imia z bundeskanzlerin.de na bundeskanzler.de.
Šolc apošnija try hady zajmaŭ pasadu vice-kanclera i ministra finansaŭ va ŭradzie Mierkiel. U 2011-2018 hadach jon pracavaŭ burhamistram Hamburha.