Zabłakavany sajt «Ježiednievnika», hałoŭny redaktar Siarhiej Sacuk zatrymany

U Biełarusi zabłakavali sajt «Ježiednievnik» (ej.by), jaho hałoŭnaha redaktara Siarhieja Sacuka zatrymali i pavieźli ŭ Śledčy kamitet.

08.12.2021 / 13:37

 Pra heta Jeŭraradyjo paviedamiŭ brat žurnalista Alaksandr Sacuk, jaki ŭziaŭ na siabie funkcyi hałoŭnaha redaktara sajta. Sam Alaksandr znachodzicca ŭ Polščy.

Doma ŭ Siarhieja Sacuka prajšoŭ pieratrus, u jaho zabrali telefony i noŭtbuki. 

«Za niekalki dzion da taho «Ježiednievnik» pačaŭ prajekt pra biełaruskich «terarystaŭ». Mahčyma, novy cisk na partał źviazany mienavita z hetym. A mahčyma, prosta pryjšła čarha», — kaža Alaksandr Sacuk.