Анлайн-гіпермаркет amd.by часова перастаў прымаць заказы праз сайт
Прычына — кампанія атрымала прадпісанне.
21.12.2021 / 09:14
«Сайт часова не прымае заказы па загадзе 06-18-6/1571 ад 15.12.2021 года», — паведамляецца на сайце анлайн-гіпермаркета.
Як удакладняецца, прадпісанне вынеслі па пункце 20 указа Аляксандра Лукашэнкі ад 24 красавіка 2020 года № 143 «аб падтрымцы эканомікі».
У кантакт-цэнтры інтэрнэт-крамы растлумачылі, што замовы не прымаюць толькі праз кошык на сайце, а па тэлефонным званку — так. Калі адновіцца праца, невядома.