Pucin zajaviŭ, što Rasija nie choča pralićcia kryvi
«Uzbrojenyja kanflikty, pralićcio kryvi — heta absalutna nie naš vybar, my nie chočam takoha raźvićcia padziej», — skazaŭ siońnia prezident Rasii na pašyranaj kalehii Minabarony.
21.12.2021 / 15:03
TASS
Pavodle jaho słoŭ, Rasija vystupaje za toje, kab vyrašać pytańni palityka-demakratyčnymi srodkami, ale krainie patrebnyja «jasnyja, zrazumiełyja, vyrazna vykładzienyja jurydyčnyja harantyi».
«Voś u čym sens našych prapanoŭ, vykładzienych na papiery, i nakiravanych u Brusiel i ŭ Vašynhton», — rastłumačyŭ Pucin, i vykazaŭ nadzieju, što Maskva atrymaje na ich adkaz.
Pucin paviedamiŭ, što Rasija bačyć sihnały ad partnioraŭ, hatovych pracavać nad hetym. Ale ŭ toj ža čas, pa jaho słovach, jość niebiaśpieka, što «budzie sproba zabałbatać, pahruzić u niejkaje bałota» rasijskija prapanovy, što nie zadavolić Maskvu.