Абвал турэцкай ліры адчуюць на сабе ласуны ва ўсім свеце
У пачатку 2021 года адбылося рэкорднае падзенне курсу турэцкай ліры, яна патаннела адносна долара амаль удвая. Сярод тых, па кім гэта моцна ўдарыць — турэцкія фермеры, якія займаюцца вырошчваннем фундука, лясных арэхаў. А разам з імі адчуюць іх праблемы і ласуны ўсяго свету.
23.12.2021 / 22:44
Адбываецца так таму, што вытворцы фундука сутыкнуліся з сур'ёзным ростам выдаткаў. Многія ўгнаенні, насенне і пестыцыды, што ўвозяцца з-за мяжы за валюту, у турэцкіх лірах сталі каштаваць нашмат даражэй. Таму значна павялічыцца і сабекошт прадукцыі, а калі на ўсім ашчаджаць — то зменшацца ўраджаі. Калі вырошчванне арэхаў стане нерэнтабельным, то фермеры будуць згортваць іх вытворчасць.
І гэта можа, як сцвярджае The Wall Street Journal, прывесці да дэфіцыту фундуку ва ўсім свеце. Бо Турцыя — яго найбуйнейшы вытворца ў сусветным маштабе. На гэтую краіну прыпадае 70% усіх паставак, а ў вырошчванні лясных арэхаў занятыя каля чатырох мільёнаў жыхароў Турцыі.
Kraft2727 / depositphotos.com
Больш за траціну турэцкіх арэхаў закупляе італьянская карпарацыя Ferrero, якая вырабляе з іх выкарыстаннем шакаладную пасту Nutella, а таксама цукеркі і шакаладныя батончыкі. Вось спажыўцы такой прадукцыі і адчуюць турэцкія эканамічныя праблемы на ўласнай кішэні. Нават калі пра праблемы туркаў нічога не ведаюць і ведаць не хочуць.