Aryšt z Anatola Kachančyka nie źniaty — u luby momant jaho mohuć znoŭ zatrymać
Pravaabaroncam stała viadoma, što administracyjny aryšt z haspadara bieł-čyrvona-biełaj chaty ŭ Połackim rajonie Anatola Kachančyka tak i nie źniaty. U luby momant mužčynu mohuć znoŭ zatrymać.
27.12.2021 / 16:20
Nahadajem, Anatolu prysudzili 25 sutak aryštu za «niesankcyjanavanaje pikietavańnie». Mužčyna piać dzion trymaŭ suchuju haładoŭku i z-za hetaha trapiŭ u špital, ale navat tam admoviŭsia spyniać jaje.
Tady administracyja IČU paviedamiła Anatolu, što aficyjna źniała ź jaho aryšt — tolki paśla hetaha mužčyna spyniŭ haładoŭku.
Nahadajem, što hod tamu mužčyna pafarbavaŭ baćkoŭskuju chatu ŭ vioscy Alošča Połackaha rajona ŭ nacyjanalnyja kolery: namalavaŭ na ścienach dźvie biełyja i čyrvonuju pałosy, a ŭ aknie paviesiŭ Pahoniu. Praz peŭny čas jaho asudzili za heta jak za praviadzieńnie niesankcyjanavanaha pikieta, a potym pahražali kryminalnaj spravaj za złosnaje chulihanstva.
Raniej jaho, jak bryhadzira-čyhunačnika, vieterana Biełaruskaj čyhunki, uznaharodzili miedalom «Za pracoŭnyja zasłuhi».