U Mahiloŭskaj vobłaści zatrymali narkakurjera, kali jon raskładaŭ pradukcyju pa schovankach
30-hadovy žychar Mahiloŭščyny, pavodle paviedamleńnia MUS, na praciahu dvuch miesiacaŭ dapamahaŭ adnoj ź internet-kramaŭ, jakaja śpiecyjalizujecca na realizacyi narkotykaŭ.
16.01.2022 / 14:27
U nazvanym jamu miescy mužčyna zabiraŭ zakładku narkotykaŭ bujnoj vahi, a paśla ŭ admysłova najmanym pamiaškańni fasavaŭ psichatropnyja rečyvy pa mienšych pakietach. Paśla jon raskładaŭ ich pa schovankach na terytoryi Mahilova i Mahiloŭskaha rajona.
Padčas raskładki narkotykaŭ pa schovankach mužčyna i byŭ zatrymany milicyjaj. U jaho kanfiskavana bolš za 850 h preparata alfa-PVP i 100 h miefiedrona.
Uzbudžana kryminalnaja sprava za niezakonny abarot narkotykaŭ z metaj zbytu.