У Нацыянальным аэрапорце самалёт выкаціўся за межы ўзлётнай паласы
У Нацыянальным аэрапорце за межы ўзлётна-пасадачнай паласы выкаціўся самалёт «Узбецкіх авіяліній», які ляцеў рэйсам Ташкент — Мінск.
17.01.2022 / 12:34
На борце было 115 чалавек, пацярпелых няма. Пасажыры дастаўленыя ў будынак тэрмінала. Самалёт адбуксіраваны да месца стаянкі.
У сувязі са складанымі ўмовамі надвор'я, якія не дазваляюць зрабіць пасадку ў аэрапортах Беларусі, на запасны аэрадром у Санкт-Пецярбургу перанакіраваныя рэйсы, якія ляцелі следам у Мінск.