Журналіста Аляксандра Івуліна асудзілі на два гады калоніі
Суддзя Сяргей Шаціла сёння агучыў прысуд журналісту, блогеру і футбалісту.
19.01.2022 / 16:07
Івуліна прызналі вінаватым ў «арганізацыі і актыўным удзеле ў групавых дзеяннях, якія груба парушаюць грамадскі парадак» і атрымаў два гады калоніі, як таго патрабаваў пракурор.
Спартыўнаму журналісту, блогеру і футбалісту «Крумкачоў» Аляксандру Івуліну інкрымінавалі «арганізацыю і актыўны ўдзел у групавых дзеяннях, якія груба парушаюць грамадскі парадак» (ч. 1 арт. 342).
Аляксандра затрымалі 3 чэрвеня і першапачаткова ён атрымаў 30 сутак адміністрацыйнага арышту нібыта за сцяг на балконе. Аднак на свабоду не выйшаў, яго перавялі ў СІЗА, пазней стала вядома, што на журналіста заведзеная крымінальная справа.