Дацкая кампанія JYSK адмовілася ад рэкламы на Беларускім тэлебачанні
Пра рашэнне дацкай кампаніі JYSK адмовіцца ад рэкламы на Беларускім тэлебачанні паведаміла ў Інстаграме праваабарончая арганізацыя Libereco.
23.01.2022 / 20:05
Фота: elledecoration.ru
Зараз праваабаронцы збіраюць подпісы пад зваротам з заклікам спыніць рэкламу на БТ, АНТ і СТВ да нямецкіх фармацэўтычных кампаній. Ужо падпісаліся амаль 58 тысяч чалавек.
Кампанія Jysk (па-беларуску вымаўляецца «Юск») — дацкая транснацыянальная карпарацыя са штаб-кватэрай у горадзе Орхус. Спецыялізуецца на продажы тавараў для дома, мэблі і фурнітуры. Гэта адзін з галоўных канкурэнтаў знакамітай IKEA.
Заснаваная ў 1979 годзе, кампанія Jysk мае каля трох тысяч магазінаў у больш чым паўсотні краін свету.