U dyrektara mahiloŭskaha pravaabarončaha centra adbyŭsia pieratrus. Zabrali cacačny pistalet
25 studzienia kala 11 hadzin dnia da dyrektara MPC Uładzimira Kraŭčanki pryjšli supracoŭniki Upraŭleńnia Departamienta finansavych rasśledavańniaŭ KDK RB pa Mahiloŭskaj vobłaści i adrazu pavieźli na dopyt.
26.01.2022 / 14:50
Uładzimir Kraŭčanka, fota Deutsche Welle
Paśla dopytu supracoŭniki DFR viarnulisia z Kraŭčankam da jaho dadomu, dzie praviali pieratrus, jaki doŭžyŭsia kala čatyroch hadzin. Pastanova na pieratrus była vypisanaja centralnym aparatam Śledčaha kamiteta i sankcyjanavanaja namieśnikam hienieralnaha prakurora, paviedamlajuć pravaaabaroncy.
Padčas pieratrusu supracoŭniki DFR kanfiskavali buklety Biełaruskaha Chielsinskaha Kamiteta i telekanała, pryznanaha ekstremisckim.
Taksama znajšli i kanfiskavali stary dziciačy cacačny pistalet syna Kraŭčanki.
Siońnia, 26 studzienia, adbyŭsia jašče adzin pieratrus, hetym razam na leciščy, kudy źjavilisia supracoŭniki AMAP sa zbrojaj.
Jakaja struktura na hety raz pravodziła pieratrus — nieviadoma, jak i toje, u jakim statusie znachodzicca Kraŭčanka.
U vyniku Kraŭčanku pavieźli ŭ nieviadomym napramku. Viadoma, što ŭ jaho kanfiskavali noŭtbuk.