РПЦ выступіла за забарону сэкс-шопаў — бо яны з'яўляюцца «ўзаконенай распустай»
Пра гэта заявіў кіраўнік сінадальнага аддзелу знешніх сувязяў Маскоўскага патрыярхату мітрапаліт Іларыён.
30.01.2022 / 12:45
«Я бы лічыў, што такія крамы наогул павінны быць забароненыя», — сказаў Іларыён, адказваючы ў праграме «Царква і свет» на «Расія 24» на пытанне тэлегледача, занепакоенага тым, што гэтыя крамы трапляюць у поле зроку дзяцей.
Мітрапаліт растлумачыў, што царква адназначна выступае «супраць палавой распусты і распусты ў любых яе формах». «А такія так званыя «крамы для дарослых» — гэта не што іншае, як узаконеная распуста», — адзначыў ён.