«Adčuvańnia svabody nie było ni kropli». Žurnalistka puła Łukašenki «pakajałasia» za ŭdzieł u maršy
Učora źjaviłasia fota žurnalistki łukašenkaŭskaha puła Volhi Zabielič padčas marša kala steły 16 žniŭnia 2020 hoda. U kamientary «Našaj nivie» Volha zajaviła, što joj «ničoha nie zdarycca». Siońnia ž na staroncy Zabielič źjaviłasia fota ŭ majcy z cytataj Łukašenki i post pra «pravilny vybar».
02.02.2022 / 18:34
Volha Zabielič na mitynhu kala steły 16 žniŭnia 2020 hoda.
Bolšaja častka dopisu — pieralik faktaŭ z asabistaha žyćcia i namioki na ich Natalli Kaziej, ale jość i abzac z adkazam «pa sutnaści»:
«2020-y hod prajšoŭsia katkom pa kožnamu biełarusu. Byli emocyi, nieviadomaść, niebiaśpieka ździejśnić pamyłku. I ja jaje zrabiła. Tak, my byli, Nataša, z taboj na mitynhu 16 žniŭnia. Pamiataju jaho pa chvilinach. Adčuvańni svabody nie było ni kropli. A voś pačućcio strachu i niajomkaści nie pakidała. Zatoje pryjšło dakładnaje razumieńnie: hety bałahan narodnaj tvorčaści — dakładna nie majo!!! I ja ščaślivaja, što zrabiła pravilny vybar. Jak, zrešty, i na vybarach prezidenta, kali hałasavała za Łukašenku!»
Volha Zabielič. Fota: Fejsbuk