У Кітаі навучыліся вызначаць рак лёгкіх праз аналіз крыві
Навукоўцы з Пекінскага універсітэта распрацавалі новы метад дыягностыкі анкалогіі да з'яўлення ў пацыента першых сімптомаў.
03.02.2022 / 19:04
Фота: fotoquique / depositphotos.com
Кітайскія навукоўцы вынайшлі аналіз крыві, з дапамогай якога можна выяўляць рак лёгкіх. Яны праверылі аналіз крыві ў 1036 чалавек, старэйшых за 40 гадоў, у якіх не было сімптомаў раку, а затым параўналі іх з вынікамі хворых людзей. Выяўленыя заканамернасці дазволілі істотна спрасціць дыягностыку захворвання.
У ходзе даследавання тэст паказаў больш чым 90% дакладнасць вызначэння некаторых відаў раку.
Паводле слоў навукоўцаў, новы метад дазваляе рабіць танныя экспрэс-тэсты. Акрамя таго, аналізы не траўмуюць пацыентаў.