Pasolstva Biełarusi ŭ Ukrainie: Biełarusy staviacca da čyrvona-zialonaha ściaha z trymcieńniem
Pasolstva Biełarusi va Ukrainie adreahavała na zamienu la budynka haradskoj rady čyrvona-zialonaha dziaržaŭnaha ściaha Biełarusi na nacyjanalny bieł-čyrvona-bieły. Hetuju infarmacyju jano ŭspryniało «z rasčaravańniem», havorycca ŭ paviedamleńni, apublikavanym na sajcie pasolstva.
09.02.2022 / 20:16
Biełaruskaje pasolstva vykarystoŭvaje ŭ svaim zvarocie prapahandysckija kliše, jakija šyroka prymianiajucca padčas palityčnych represij unutry krainy. Bieł-čyrvona-bieły ściah nazyvajecca «simvolikaj kałabaracyjanistaŭ i karnikaŭ biełaruskaha naroda ŭ hady Vialikaj Ajčynnaj vajny».
Pasoł Ihar Sokał nakiravaŭ z hetaj nahody zvarot na adras kiraŭnika Dniapra Barysa Fiłatava, u jakim śćviardžaje, što nibyta «dadzienaje rašeńnie haradskich uładaŭ abražaje lepšyja pačućci bolšaści biełarusaŭ», bo jany, maŭlaŭ «z trymcieńniem staviacca da dziaržaŭnych simvałaŭ Respubliki Biełaruś».
Taksama Sokał vykazaŭ hatoŭnaść sustrecca z Fiłatavym i asabista, kab «davieści» jamu «abjektyŭnuju infarmacyi ab pracesach, jakija prachodziać u Respublicy Biełaruś».
Ściah Biełarusi kala meryi ŭkrainskaha Dniapra zamianili na bieła-čyrvona-bieły siońnia. Miascovy haradski hłava Barys Fiłataŭ spasłaŭsia na toje, što ściah byŭ zamienieny pa inicyjatyvie hramadzian paśla vykazvańniaŭ Alaksandra Łukašenki pra Ukrainu.