Pamior virusołah Luk Mantańje, nobieleŭski łaŭreat pa miedycynie. Heta jon adkryŭ VIČ
Francuzski vučony-virusołah, łaŭreat Nobieleŭskaj premii pa miedycynie Luk Mantańje pamior va ŭzroście 89 hadoŭ, paviedamlaje Liberation.
10.02.2022 / 21:18
Fota: YouTube / wocomoDOCS
Mantańje pamior 8 lutaha ŭ amierykanskim špitali, raźmieščanym u paryžskim pryharadzie Nei-siur-Sien. Infarmacyju pra jaho śmierć pacvierdzili pradstaŭniki meryi kamuny, a taksama viadomy ŭ Francyi lekar-infiekcyjanist Dydźie Raul.
Luk Montańje — francuzski virusołah, adzin z pieršaadkryvalnikaŭ, naroŭni z amierykanskim navukoŭcam Robiertam Hało, virusa imunadeficytu čałavieka (VIČ). Abodva navukoŭcy adkryli VIČ niezaležna adzin ad adnaho ŭ 1983 hodzie.
Mienavita za adkryćcio VIČ u 2008-m Mantańje staŭ łaŭreatam Nobieleŭskaj premii ŭ halinie miedycyny.
U apošnija hady Mantańje niaredka kazaŭ pra škodu vakcynacyi, u tym liku ad novaj karanavirusnoj infiekcyi, za što jaho krytykavali ŭ navukovym asiaroddzi.