Dźmitryj Bykaŭ: Uładzimir Mackievič — redki prykład niazłomnaha myślara
Viadomy rasijski litaratar Dźmitryj Bykaŭ u efiry «Echo Moskvy» vykazaŭ padtrymku fiłosafu Uładzimiru Mackieviču, jaki 8-y dzień haładaje z patrabavańniem źmianić jamu mieru ŭtrymańnia i asudzić chutčej.
11.02.2022 / 16:57
Uładzimir Mackievič.
«Mackievič — heta čałaviek, bieź jakoha nacyja nie adbudziecca. Jon — bujny myślar, sapraŭdny fiłosaf, palitołah. Aryštavany jon, što nazyvajecca, za słovy», — skazaŭ Bykaŭ.
Pakul Mackievič trymaje zvyčajnuju haładoŭku, ale kali jaho patrabavańni nie buduć vykananyja, to jon płanuje pačać suchuju, heta značyć, «pa sutnaści, samahubčuju», adznačyŭ Bykaŭ.
«Vialikaja kolkaść ludziej schilnaja da kampramisu. Dyk voś Mackievič da kampramisu nie schilny. Jon nie z tych ludziej, kaho možna złamać abo zapałochać.
Mnie zdajecca, Mackievič, heta redki prykład niazłomnaha myślara. I viadoma, da jaho losu ja pryhladajusia i z žacham, i z zachapleńniem. I ja vielmi spadziajusia, što śviet nie dapuścić jaho hibieli», — skazaŭ Dźmitryj Bykaŭ.
Jon taksama ŭspomniŭ Alaksandra Fiadutu, jaki 12 krasavika 2021 hoda byŭ zatrymany ŭ Maskvie. Razam z palitykam Ryhoram Kastusiovym i biełaruskim advakatam z ZŠA Juryjem Ziankovičam jon abvinavačvajecca ŭ arhanizacyi dziaržaŭnaha pieravarotu i padrychtoŭcy zamachu na Łukašenku.
«Fiaduta da hetaha času, budučy ciažka chvorym, znachodzicca ŭ turmie. Za što, zusim niezrazumieła. Aryštavany ŭ Maskvie. I heta hańba dla nas dla ŭsich. Toje, što Mackievič i Fiaduta, znachodziacca ŭ źniavoleńni, heta strašny dyjahnaz krainie», — skazaŭ Dźmitryj Bykaŭ.