«Аддзел адукацыі патрабуе звесткі аб падпісцы на тэлеграм-канал «Добрушскага краю». Як пашыраецца аўдыторыя праўладных рэсурсаў
Чытачы тэлеканала «Белсат» паведамілі, што прынамсі ў двух гарадах на ўсходзе Беларусі, Добрушы і Клімавічах, ад вучняў і іх бацькоў патрабуюць падпісацца на праўладныя тэлеграм-каналы.
11.02.2022 / 19:23
У Добрушы (Гомельская вобласць) з такім патрабаваннем выступіў мясцовы аддзел адукацыі. Падпісацца павінны вучні з 9 па 11 клас, а таксама іх бацькі.
Ад настаўнікаў таксама патрабуюць запоўніць адпаведную справаздачу паводле распрацаванай формы.
У Клімавічах (Магілёўскай вобласць) падпісацца прымушаюць на канал «Черные крылья», які рэпосціць навіны ад дзяржтэлеканалаў і іншых прапагандысцкіх рэсурсаў.
Для дасягнення чыста колькасных паказчыкаў для справаздачаў наверх такая тактыка плён дае. Аўдыторыя тэлеграм-канала газеты «Добрушскі край» цяпер — больш за 2000 чалавек.