Mietro ŭ napramku Zialonaha Łuha pačnuć prakładvać užo ŭ hetym hodzie
Tunelnyja pracy dla budaŭnictva mietro ŭ napramku Zialonaha Łuha płanujuć pačać u 2022 hodzie. Ab hetym paviedamiŭ staršynia Minharvykankama Uładzimir Kucharaŭ ŭ efiry ANT.
14.02.2022 / 08:57
Tak budzie vyhladać stancyja «Aeradromnaja», pusk jakoj zapłanavany na nastupny hod. Fota: «Minsk-naviny»
— Užo ŭ hetym hodzie my płanujem pačać tunelnyja pracy na druhoj častcy treciaj linii — heta ŭ bok Zialonaha Łuha, płoščy Banhałor. Prajektnyja pracy dazvalajuć vyjści tam na placoŭku. Kali my nie budziem zajmacca mietro, to vydatki buduć našmat horšyja. U tym liku i finansavyja, i maralnyja. Bo mabilnaść pieramiaščeńnia pa stalicy — heta vielmi važna dla kožnaha, — raspavioŭ čynoŭnik.
Raniej pisałasia, što na hetym učastku spačatku buduć pabudavanyja takija stancyi: «Prafsajuznaja», «Piarespa», «Kamaroŭskaja» i «Park Družby Narodaŭ».
Uvosień 2020 hoda zapracavali pieršyja stancyi treciaj linii: «Jubilejnaja płošča», «Płošča Franciška Bahuševiča», «Vakzalnaja» i «Kavalskaja Słabada».
Pa płanach, novy ŭčastak treciaj linii Minskaha mietrapalitena z troch stancyj adkryjecca ŭ 2023 hodzie. Ciahniki pojduć ad «Kavalskaj Słabady» da «Słuckaha haścinca» praz stancyi «Aeradromnaja» i «Niemaršanski sad».