Мітрапаліт Праваслаўнай царквы Украіны Епіфаній папрасіў Кірыла забраць целы салдатаў
Прадстаяцель Праваслаўнай Царквы Украіны, мітрапаліт Епіфаній звярнуўся да патрыярха Маскоўскага Кірыла з просьбай забраць у Расію целы забітых ва Украіне салдат РФ.
27.02.2022 / 18:35
«На жаль, з вашых папярэдніх публічных заяў ужо зразумела, што захаванне прыхільнасці Пуціна і кіраўніцтва РФ для вас нашмат важнейшае, чым клопат пра людзей ва Украіне, частка з якіх да вайны лічыла Вас сваім пастырам…
Але ў мяне яшчэ застаецца надзея, што хоць бы ў дачыненні да сваіх уласных суграмадзян, большасць з якіх — праваслаўныя хрысціяне, ваша паства, у вас знойдуцца духоўныя сілы праявіць чалавечнасць і клопат», — цытуе Епіфанія «Украінская праўда».
Епіфаній кажа, што гаворка ідзе пра больш чым тры тысячы забітых расійскіх вайскоўцаў, целы якіх знаходзяцца ва Украіне.