Мэр Чарнігава Уладзіслаў Атрашэнка звярнуўся да беларусаў
Сярод адрасатаў ягонага звароту — жыхары Гомеля, усёй Беларусі і персанальна старшыня гомельскага гарвыканкама Кірычэнка
28.02.2022 / 21:32
Уладзіслаў Атрашэнка.
Чарнігаўскі мэр гаворыць:
«Я звяртаюся са свайго разбамбаванага кабінета разбамбаванай «Іскандэрам» мэрыі. Горад знішчаецца. Паглядзіце, ува што ператварыла расійская армія горад Чарнігаў. І я ведаю, што з вашых дзяцей будуць камплектавацца арміі, якія будуць ісці ва Украіну.
Нягледзячы на добрае стаўленне да вас, мы будзем абараняць сваю зямлю. Вы не ўяўляеце настрою людзей, якія ўзялі ў рукі зброю. І калі вашыя дзеці прыйдуць на тэрыторыю Украіны, яны будуць гарэць жыўцом у танках і БТР.
І калі вы можаце паўплываць, каб не пусціць вашых дзяцей на чужую вайну забіваць нашых дзяцей, то вашыя дзеці не загінуць. Як бацька, я б не хацеў смерці вашых і нашых дзяцей».