Usievaład Ścieburaka. Chacieli być Trecim Rymam, a stali Čaćviortym Rejcham. Vierš
16.03.2022 / 08:21
* * *
Chacieli być Trecim Rymam,
a stali Čaćviortym Rejcham.
Žyćcio pralacieła mima
z šalonym sabačym brecham.
Chacieli macniej u balecie,
chacieli sady na Marsie,
Haharyn lacieŭ na rakiecie…
Usio źnikła ŭ kryvavym farsie.
I znoŭku pad kirzavym botam
ziamla zachłyniecca ad bolu.
I ŭsio adkładziecca na potym
i nie nadydzie nikoli…