Вайна ва Украіне. Дваццаць другі дзень АНЛАЙН
Расія працягвае нішчыць гарады. Самы страшны ўдар прыйшоўся па Марыупалі. Там бомба ці ракета вялікай магутнасці трапіла ў гарадскі тэатр, які служыў бамбасховішчам сотням мірных жыхароў. Будынак рухнуў, заваліў уваходы ў сховішча. Магчыма, там адбылася самая жахлівая трагедыя гэтай вайны. Але ў той жа час украінскія войскі месцамі перайшлі ў контрнаступ. Украінцы нанеслі руйнуючы ўдар па расійскай тэхніцы ў аэрапорце Херсона, вызвалілі з палону мэра Мелітопаля і контратакавалі расійскія войскі ў кірунку Бучы і Гастомеля. «Наша Ніва» працягвае сачыць за падзеямі ва Украіне і вакол яе.
17.03.2022 / 01:36