Brytanski vajenny ekśpiert: Ukraina prynižaje Rasiju na poli boju
Prafiesar Majkł Kłark, były dyrektar analityčnaha centra Royal United Services Institute (RUSI), kaža: «Rasijanie robiać amal usie taktyčnyja pamyłki, jakija tolki možna zrabić».
18.03.2022 / 13:33
Vystupajučy ŭ prahramie Today na BBC Radio 4, jon pajaśniaje: «Jany [rasijskija vojski] vyhladajuć jak siły, jakija byli absalutna niepadrychtavanyja, jakija nie pradumali, jak moža vyhladać vialikaja kampanija.
Ukraincy tarmaziać prasoŭvańnie Rasii na ŭsich napramkach i navat viaduć ciapier davoli efiektyŭnyja kontrataki. Rasijanie stračvajuć šmat techniki i vojskaŭ».
Prafiesar Kłark kaža, što va Ukrainie jość sistema kamandavańnia i kiravańnia, jakaja adpaviadaje «standartam NATA», jakuju stvarali z dapamohaj krain NATA z 2014 hoda. Ataka na avijaramontny zavod u Lvovie daje zrazumieć, što rasijanie bjuć pa infrastruktury, jakaja trymaje ŭkrainskija samaloty ŭ pavietry, skazaŭ jon.