Джо Байдэн сустрэўся з міністрамі замежных спраў і абароны Украіны
Прэзідэнт ЗША Джо Байдэн сустрэўся ў Варшаве з кіраўніком МЗС Украіны Дзмітрыем Кулебай і міністрам абароны Аляксеем Рэзнікавым.
26.03.2022 / 15:41
Фота: AFP
Гэта першая сустрэча амерыканскага і ўкраінскага бакоў на такім узроўні з моманту ўварвання Расіі ва Украіну.
Таксама ў сустрэчы бралі ўдзел дзяржсакратар ЗША Энтані Блінкен і кіраўнік Пентагона Лойд Осцін.
Байдэн прыбыў у Польшчу ў пятніцу. Як чакаецца, у суботу ён выступіць з прамовай.