Ksiondz Alaksandr Baran znoŭ zatrymany
Pra novaje zatrymańnie probašča katalickaj parafii ŭ Łyntupach Pastaŭskaha rajona ksiandza Alaksandra Barana pieradaje telehram-kanał «Chryścijanskaja vizija».
04.04.2022 / 19:28
Ksiondz Baran byŭ zatrymany 25 sakavika i pravioŭ troje sutak pad vartaj. Paśla zakančeńnia 72-hadzinnaha terminu zatrymańnia, u paniadziełak, 28 sakavika jon byŭ pakinuty pad vartaj jašče na 72 hadziny.
U sieradu, 30-ha sakavika śviatara vypuścili, uručyŭšy pozvu na sudovaje pasiadžeńnie na 4 krasavika. A siońnia jaho, pavodle śviedčańnia niekalkich krynic «Chryścijanskaj vizii», znoŭku zatrymali.
Mierkavałasia, što zatrymańnie ksiandza było źviazana ź jaho ŭdziełam u akcyjach salidarnaści ŭ žniŭni 2020 hoda, kali jon razam sa svaimi parafijanami vychodziŭ na vulicu nasuprać kaścioła z kvietkami ŭ rukach, takim čynam pratestujučy suprać hvałtu.