Rasija vysyłaje z krainy dypłamataŭ z Polščy i Bałharyi
Rasija vysyłaje sa svajoj terytoryi zamiežnych dypłamataŭ u adkaz na padobnyja dziejańni ŭ dačynieńni da supracoŭnikaŭ jaje pradstaŭnictvach u zachodnich krainach, pryniatyja paśla adkryćcia vajennych złačynstvaŭ rasijskaj armii na poŭnačy Ukrainy. Siońnia abviaścili pra vysłańnie 47 polskich i bałharskich dypłamataŭ.
08.04.2022 / 19:40
Ambasada Polščy ŭ Maskvie
Rasijskaje źniešniepalityčnaje viedamstva abviaściła piersonami non hrata 45 polskich dypłamataŭ z ambasady Respubliki Polšča i hienkonsulstvaŭ u Irkucku, Kalininhradzie i Sankt-Pieciarburhu. Im zahadana pakinuć Rasieju da 13 krasavika.
Akramia taho, nota ab abjaŭleńni piersonami non hrata była ŭručanaja i dvum supracoŭnikam pasolstva Bałharyi ŭ Maskvie, paviedamlaje pres-słužba MZS RF.
Raniej roŭna stolki ž rasijskich dypłamataŭ vysłali z svaich krain Polšča i Bałharyja. Rasijski bok rascaniŭ vysyłku svaich dypłamataŭ z Polščy jak «pacvierdžańnie śviadomaha imknieńnia Varšavy kančatkova razburyć dvuchbakovyja adnosiny».