Дабрачынная акцыя ў Варшаве сабрала каласальныя €9,1 млрд дапамогі Украіне
Удзельнікі дабрачыннай акцыі ў Варшаве сабралі €9,1 млрд дапамогі украінскім уцекачам. Пра гэта паведаміла ў суботу кіраўнік Еўракамісіі Урсула фон дэр Ляен.
09.04.2022 / 22:20
Stand Up For Ukraine, Варшава, 9 красавіка. Фота: AP
Глабальнае мерапрыемства па зборы сродкаў Stand Up For Ukraine было арганізавана сумесна прэзідэнтам Еўрапейскай камісіі Урсулай фон дэр Ляен і прэм'ер-міністрам Канады Джасцінам Трудо.
Арганізатары мерапрыемства заклікалі ўрады, прыватныя кампаніі і грамадзян зрабіць ахвяраванні для ўкраінцаў, якія пацярпелі ад вайны.
Асноўнае мерапрыемства кампаніі 9 красавіка ўзначалілі Урсула фон дэр Ляен і прэзідэнт Польшчы Анджэй Дуда, да іх анлайн далучыліся прэм'ер-міністр Канады Джасцін Трудо і прэзідэнт Украіны Уладзімір Зяленскі. У знак прызнання важнай ролі Польшчы ў падтрымцы бежанцаў, якія ратуюцца ад ўварвання ва Украіну, Stand Up For Ukraine прайшло ў Варшаве.