Dabračynnaja akcyja ŭ Varšavie sabrała kałasalnyja €9,1 młrd dapamohi Ukrainie
Udzielniki dabračynnaj akcyi ŭ Varšavie sabrali €9,1 młrd dapamohi ukrainskim uciekačam. Pra heta paviedamiła ŭ subotu kiraŭnik Jeŭrakamisii Ursuła fon der Lajen.
09.04.2022 / 22:20
Stand Up For Ukraine, Varšava, 9 krasavika. Fota: AP
Hłabalnaje mierapryjemstva pa zbory srodkaŭ Stand Up For Ukraine było arhanizavana sumiesna prezidentam Jeŭrapiejskaj kamisii Ursułaj fon der Lajen i premjer-ministram Kanady Džaścinam Trudo.
Arhanizatary mierapryjemstva zaklikali ŭrady, pryvatnyja kampanii i hramadzian zrabić achviaravańni dla ŭkraincaŭ, jakija paciarpieli ad vajny.
Asnoŭnaje mierapryjemstva kampanii 9 krasavika ŭznačalili Ursuła fon der Lajen i prezident Polščy Andžej Duda, da ich anłajn dałučylisia premjer-ministr Kanady Džaścin Trudo i prezident Ukrainy Uładzimir Zialenski. U znak pryznańnia važnaj roli Polščy ŭ padtrymcy biežancaŭ, jakija ratujucca ad ŭvarvańnia va Ukrainu, Stand Up For Ukraine prajšło ŭ Varšavie.