Pomnik Puškinu ŭ centry Užharada pierajmienavali ŭ honar śpievaka Džo Dasena. Paraŭnajcie ich partrety
Pomnik Puškinu, jaki raźmieščany ŭ samym centry Užharada, pierajmienavali ŭ honar francuzskaha śpievaka Džo Dasena. U čaćvier, 7 krasavika, miascovyja zaŭvažyli, što na pastamiencie zamalavali litary sa zhadvańniem Puškina i zamianili ich nadpisam «Džo Dasen».
10.04.2022 / 14:51
Aŭtar i data naniasieńnia nadpisu nieviadomyja, piša Zaxid.net.
Biust Alaksandra Puškina raźmieščany ŭ centry Užharada, pablizu nabiarežnaj Niezaležnaści, na nievialikaj płoščy, jakaja taksama maje imia ruskaha paeta. Fota «pieraaformlenaha» biusta apublikavała miascovaje vydańnie «Zahałovak».
Džo Dasen
Raniej niekalki sotniaŭ žycharoŭ Užharada padpisali zvarot da haradskich uładaŭ z prośbaj pierajmienavać usie vulicy, płoščy, skviery, jakija nazvanyja ŭ honar rasijskich ci savieckich dziejačaŭ. Zvarot inicyjavaŭ zakarpacki piśmieńnik Andrej Lubka. Meryja publična nie reahavała na zaklik. Akramia taho, u sacyjalnych sietkach abmiarkoŭvajecca pytańnie znosu pomnikaŭ, jakija majuć dačynieńnie da rasijskich dziejačoŭ kultury i mastactva. U pryvatnaści, havorka išła i pra biuście Puškina.