Kancler Aŭstryi źbirajecca pajechać u Maskvu da Pucina
Pra namier fiederalnaha kanclera Aŭstryi Karła Niechamiera pajechać u paniadziełak 11 krasavika ŭ Maskvu napisała vydańnie Kronen Zeitung sa spasyłkaj na atačeńnie kanclera.
10.04.2022 / 18:59
Karł Niechamier
Pa słovach Niechamiera, jon choča naładzić masty pamiž Kijevam i Maskvoj i «pasprabavać usio, kab trochi nablizicca da miru».
Kronen Zeitung śćviardžaje, što pajezdka Niechamiera ŭzhodnienaja ź fiederalnym kancleram Hiermanii Ołafam Šolcam i staršynioj Jeŭrakamisii Ursułaj fon der Lajen.
Pradstaŭnik urada Aŭstryi namier kanclera aficyjna paćvierdziŭ. Taksama paćvierdziŭ infarmacyju i rasijski bok vusnami pres-sakratara Pucina Dźmitryja Piaskova.
Učora Niechamier pryjazdžaŭ u Kijeŭ, dzie sustrakaŭsia z Uładzimiram Zialenskim i naviedvaŭ simvał rasijskich vajennych złačynstvaŭ va Ukrainie — horad Buča.