Украінцы шукаюць сваякоў, вывезеных расійскімі вайскоўцамі ў Беларусь
Да нас звярнуліся людзі з Украіны з просьбай дапамагчы ў пошуку пяцярых хлопцаў, якіх расіяне выаезлі ў Беларусь і звестак пра якіх даўно няма. 19 сакавіка Тарас, Аляксандр, Дзяніс, Анатоль і Уладзімір сышлі з вёскі Прыборск Кіеўскай вобласці, каб злавіць тэлефонную сувязь, але назад не вярнуліся.
11.04.2022 / 18:48
Як потым атрымалася высветліць сваякам на блокпасце ў расійскіх вайскоўцаў, хлопцаў узялі ў палон і вывезлі на тэрыторыю Беларусі. Цяпер родныя шукаюць інфармацыю пра іх.
Ёсць фота трох з пяці хлопцаў
Паўленка Тарас, дата нараджэння 22 снежня 1994 года
Паўленка Уладзімір, дата нараджэння 28 ліпеня 1996 года
Кучай Аляксандр, дата нараджэння 29 сакавіка 2000 года
Яшчэ два чалавекі, фота якіх няма — Батраў Дзяніс, дата нараджэння 17 жніўня 2001 года, і Няпомняшчы Анатоль, дата нараджэння 10 студзеня 1971 года.
Калі вам нешта вядома пра ўкраінскіх палонных у Беларусі, вы бачылі іх ці маеце іншую інфармацыю, пішыце ў наш бот на Тэлеграме @Nasa_Niva_Bot або на мэйл nashaniva.com@gmail.com.