Юрыст: Упершыню «экстрэмісцкім фармаваннем» прызнаная зарэгістраваная арганізацыя
У Беларусі рашэннем Камітэта дзяржаўнай бяспекі «экстрэмісцкім фармаваннем» прызналі незалежны прафсаюз работнікаў радыёэлектроннай прамысловасці — РЭП. Гэта першы выпадак прызнання «экстрэмісцкім фармаваннем» зарэгістраванага грамадскага аб'яднання (грамадскай арганізацыі), кажа юрыст.
12.04.2022 / 12:14
Фота: praca-by.info
«То-бок гэта першы выпадак, калі ў спіс патрапіла зарэгістраваная дзяржавай юрыдычная асоба, дзе ёсць афіцыйнае сяброўства, заснаваная на фармальным членстве структура. Хаця, здавалася б, для гэтага патрэбнае рашэнне суда пра прызнанне арганізацыі экстрэмісцкай», ‒ гаворыць юрыст.
Пры гэтым у АРІП застаецца опцыя пералічэння грошай прафсаюзу РЭП. «Гэта можа быць цяпер складам злачынства, якое прадугледжанае артыкулам 361-2 «Фінансаванне экстрэмісцкай дзейнасці», ‒ папярэджвае юрыст.