Šviecyja padaść zajaŭku na ŭstupleńnie ŭ NATA da leta. Mahčyma, adnačasova z Finlandyjaj
Šviedskaja hazieta Svenska Dagbladet paviedamlaje, što kraina płanuje dałučycca da NATA nie paźniej za červień.
13.04.2022 / 13:28
Mahdalena Andersan. Fota AP
«Meta premjer-ministra Mahdaleny Andersan — ustupleńnie Šviecyi ŭ NATA ŭ červieni hetaha hoda», — paviedamlajuć krynicy SvD.
Pavodle infarmacyi haziety, rašeńnie ŭstupić u NATA pryniataje.
Raniej pra žadańnie ustupleńnia ŭ NATA taksama zajaviła Finlandyja. Premjer-ministr Sana Maryn zajaviła, što parłamient krainy abmiarkuje členstva ŭ NATA ŭžo na nastupnym tydni.
Siońnia premjer-ministry Šviecyi i Finlandyi sustrakajucca.
Raniej krynicy ŭ NATA zajaŭlali, što rašeńnie ab pryjomie dźviuch skandynaŭskich krain moža być pryniataje ciaham niekalkich tydniaŭ paśla padačy imi zajaŭki.
Dałučeńnie Finlandyi i Šviecyi da abaronnaha aljansu — adna sa značnych stratehičnych paraz Rasii.
Maskva pry padtrymcy Łukašenki raźličvała, što joj udascca zachapić Ukrainu «za try-čatyry dni». U realnaści, rasijskija vojski vyjavilisia słabiejšymi, čym ich malavała prapahanda, a supraciŭleńnie ŭkraincaŭ ahresii stała ŭsienarodnym, što sarvała blickryh.
5-miljonnaja Finlandyja i 9-miljonnaja Šviecyja majuć mocnyja, dobra ŭzbrojenyja i samadastatkovyja armii, jakija istotna ŭzmocniać paŭnočny fłanh NATA, što zrobić napad Rasii i režymu Łukašenki na Bałtyju i Polšču jašče mienš imaviernym.