Rasijskija prapahandysty zapuścili videa pra Kramatorsk z łahatypam Bi-bi-si. Ale heta fejk
Pa Siecivie apošnija dni chadziła videa z łahatypam brytanskaj televiaščalnaj karparacyi BBC News. U im havaryłasia, što Ukraina nibyta niasie adkaznaść za rakietny abstreł čyhunačnaha vakzała Kramatorska na minułym tydni.
13.04.2022 / 18:51
U videa havaryłasia, što typ i sieryja rakiety, jakaja była vypuščanaja pa vakzale, supadaje typam i sieryjaj rakiet, raniej vykarystanych ukrainskaj armijaj. Na hety rolik spasyłalisia niekatoryja rasijskija prapahandysckija SMI.
Ale hetaje videa — fejk. Bi-bi-si aficyjna zajaviła, što ničoha padobnaje nie publikavała. I ciapier kampanija prymaje miery, kab vydalić hety kantent z sacsietak.
Bi-bi-si zaklikaje ludziej nie dzialicca hetym videa i raźmiaščać u siabie tolki pasty aficyjnych akaŭntaŭ BBC News u sacsietkach (zvyčajna jany paznačanyja siniaj ptušačkaj).