Viarchoŭnaja Rada pryznała dziejańni Rasii hienacydam suprać ukraincaŭ
Viarchoŭnaja Rada aficyjna pryznała dziejańni, učynienyja Rasijaj padčas vajskovaha napadu na Ukrainu, hienacydam ukrainskaha naroda. Adnosna hetaha pryniataja śpiecyjalnaja pastanova №7276 ab zajavie Viarchoŭnaj Rady Ukrainy «Ab ździajśnieńni Rasijskaj Fiederacyjaj hienacydu va Ukrainie».
14.04.2022 / 18:53
Pavodle dakumienta:
«… Viarchoŭnaja Rada Ukrainy hetaj zajavaj:
Pryznaje dziejańni, učynienyja Uzbrojenymi siłami Rasijskaj Fiederacyi i jaje palityčnym i vajennym kiraŭnictvam padčas apošniaj fazy ŭzbrojenaj ahresii Rasijskaj Fiederacyi suprać Ukrainy, jakaja pačałasia 24 lutaha 2022 hoda, hienacydam ukrainskaha naroda.
Źviartajecca da Arhanizacyi Abjadnanych Nacyj, Jeŭrapiejskaha parłamienta, Parłamienckaj asamblei Rady Jeŭropy, Parłamienckaj asamblei ABSJe, Parłamienckaj asamblei NATA, uradaŭ i parłamientaŭ zamiežnych dziaržaŭ adnosna pryznańnia ździajśnieńnia Rasijskaj Fiederacyjaj hienacydu ŭkrainskaha naroda, a taksama złačynstvaŭ suprać čałaviečnaści i vajennych złačynstvaŭ na terytoryi Ukrainy».