Nazvy rasijskich haradoŭ u Adesie źniali, biełaruskich — pakinuli
Na Dumskaj płoščy ŭ Adesie demantavali piać tabličak rasijskich haradoŭ-pabracimaŭ. Zamiest ich płanujuć dadać harady, jakija aktyŭna dapamahajuć Adesie ŭ vajenny čas.
14.04.2022 / 22:57
V. a. namieśnika mera Adesy Aleh Bryndak u suviazi z hetym adznačyŭ, što ŭ sercy kožnaha adesita fakt razryvu z Rasiejaj jak krainaj-ahresaram užo ažyćciaviŭsia, a demantaž pakazalnikaŭ na piać rasijskich haradoŭ farmalna daviaršyŭ hety praces.
Cikava, što haradoŭ-pabracimaŭ u Adesy šmat, i siarod ich taksama biełaruskija Minsk i Brest. Ale ich razam z rasijskimi pakul što, jak vyhladaje, vyrašyli nie zdymać.