Maci adrakłasia ad syna na fonie litary Z. Novaje videa ad MUS
Na telehram-kanale, padkantrolnym Ministerstvu ŭnutranych spraŭ Biełarusi, źjaviłasia videa, u jakim maci adnaho z biełarusaŭ, jakija słužać va ŭkrainskaj armii, Vasila Parfiankova, abvinavačvaje syna ŭ padtrymcy Ukrainy i kaža, što jana im pahardžaje za jahonuju pazicyju.
15.04.2022 / 00:31
Fon, na jakim zdymałasia asudžalnaje videa
Žančynie na videa vidavočna fizična ciažka havaryć.
Videa zroblenaje na fonie litary Z — simvała rasijskaj ahresii.
Vasil Parfiankoŭ — były biełaruski palitviazień, udzielničaŭ u Płoščy-2010. Byŭ abvinavačany va ŭdziele ŭ masavych biesparadkach, asudžany da 4 hady pazbaŭleńnia voli, ale praz niekatory čas pamiłavany Łukašenkam. Źjechaŭ va Ukrainu. U 2014 hodzie vajavaŭ na Danbasie na baku ŭkraincaŭ, atrymaŭ ukrainskaje hramadzianstva, słužyć va ŭkrainskaj armii.
Videa na kanale Ministerstva ŭnutranych spraŭ źjaviłasia ŭ adzin dzień z listom ministra zamiežnych spraŭ Biełarusi Uładzimira Makieja da krain Jeŭrasajuza z prapanovaj dyjałohu.
Na videa ŭ svaim Tvitary adreahavała Śviatłana Cichanoŭskaja.
«Biełaruskija dobraachvotniki va Ukrainie niervujuć režym Łukašenki. Śpiecsłužby pieraśledujuć ich svajakoŭ u Biełarusi», — piša Cichanoŭskaja.