Pamiežny kamitet: Z Łatvii i Litvy ŭ pieršy dzień biaźvizu pryjechała bolš za 600 čałaviek
Z Łatvii i Litvy ŭ pieršy dzień biaźvizavaha režymu ŭ Biełaruś zajechała 615 inšaziemcaŭ, paviedamili ŭ Dziaržpamiežkamitecie Biełarusi.
16.04.2022 / 13:17
Fota: DELFI / Josvydas Elinskas
Paviedamlajecca, što z tych ludziej, jakija pryjechali ŭ Biełaruś, 291 — hramadzianie Łatvii, 78 — niehramadzianie Łatvii, 256 — hramadzianie Litvy.
Biełaruś uviała biaźvizavy režym ujezdu dla hramadzian Litvy i žycharoŭ Łatvii z 15 krasavika pa 15 maja ŭklučna.
Kiraŭnik MZS Łatvii Edhars Rynkievičs zaklikaŭ hramadzian krainy ŭstrymacca ad pajezdak u Biełaruś i zajaviŭ, što heta niebiaśpiečna. Toje ž samaje zrabili i MZS dy Minabarony Litvy.