Minskaha teściroŭščyka adpravili na 2,5 hoda ŭ kałoniju za 2020 hod
Sud Maskoŭskaha rajona Minska 12 krasavika vynies prysud teściroŭščyku Juryju Uśniču, jakoha abvinvacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele u ich (č.1 art. 342 Kryminalnaha kodeksa). Pra heta paviedamlaje pravaabarončy centr «Viasna».
17.04.2022 / 14:19
Juryj Uśnič. Fota z sacyjalnych sietak.
Spravu razhladała suddzia Taćciana Pirožnikava.
Juryj Uśnič byŭ zatrymany 13 studzienia 2022 hoda i paśla pradjaŭleńnia abvinavačvańnia byŭ źmieščany ŭ SIZA №1 Minska. U kancy sakavika 2022 spravu pieradali ŭ prakuraturu.
Juryj skončyŭ Minski radyjotechničny kaledž i Instytut infarmacyjnych technałohij BDUIR.
Vučyć anhlijskuju, pracavaŭ da zatrymańnia testyroŭščykam, a da hetaha byŭ kładaŭščykom. Na novym miescy adpracavaŭ 3 miesiacy.
Sudovy praces pačaŭsia 8 krasavika.
Zhodna z materyjałami abvinavačvańnia, Juryj Uśnič udzielničaŭ u akcyjach pratestu ŭ žniŭni 2020 hoda ŭ Minsku, u tym liku na Płoščy i praśpiekcie Niezaležnaści, parušaŭ hramadski paradak, vykrykvaŭ łozunhi, pieraškadžaŭ ruchu hramadskaha transpartu, niepadparadkoŭvaŭsia patrabavańniam supracoŭnikaŭ unutranych spraŭ.
Sud pastanaviŭ pryznać Juryja Uśniča vinavatym i pryznačyŭ jamu pakarańnie ŭ vyhladzie pazbaŭleńnia voli ŭ kałonii ahulnaha režymu terminam na dva z pałovaj hoda.