U akupavanym Hieničasku na Chiersonščynie rasijanie adnavili pomnik Leninu
U zaniatym rasijskaj armijaj Hieničasku Chiersonskaj vobłaści adnavili pomnik Uładzimiru Leninu, paviedamiŭ pieršy namieśnik staršyni Chiersonskaj abłrady Juryj Sabaleŭski. Skulpturu demantavali ŭ 2015 hodzie i pieradali na zachoŭvańnie.
18.04.2022 / 17:32
Pomnik Leninu adnoŭleny na starym miescy — pierad miascovaj administracyjaj, nad jakoj ciapier visiać rasijski i saviecki ściahi.
Ale sam pomnik — nie toj, što stajaŭ u horadzie raniej. Adkul pryvieźli hety, pakul nieviadoma.
Charakterna pry hetym, što i Uładzimir Pucin, i jahonyja ideołahi nieadnarazova abvinavačvali Lenina ŭ tym, što jon pravodziŭ niapravilnuju nacyjanalnuju palityku, i niezaležnaja Ukraina, suprać jakoj ciapier zmahajucca, nibyta štučna stvoranaja im. Ale na samaj spravie, Lenin — adzin ź simvałaŭ zachavańnia Ukrainy ŭ śfiery rasijskaha ŭpłyvu, pra što hety vypadak vyrazna śviedčyć.