JeS pakryje bolšuju častku vydatkaŭ na pavajennaje adnaŭleńnie Ukrainy
U Jeŭrakamisii pakul nie nazyvajuć sumy, pakolki vajna va Ukrainie jašče nie skončyłasia. Adnak miarkujecca, što ličba dasiahnie sotniaŭ miljardaŭ jeŭra.
19.04.2022 / 16:24
Fota: AP
Jeŭrasajuz maje namier pakryć vialikuju častku vydatkaŭ na paślavajennaje adnaŭleńnie Ukrainy. Dla hetaha budzie stvorany trastavy fond salidarnaści, paviedamlaje Bloomberg.
Pa źviestkach vydańnia, členaŭ JeS užo apaviaścili, što jany pavinny apłacić asnoŭnuju častku hetych vydatkaŭ. U pryvatnaści, Jeŭrapiejskaja kamisija ŭžo paviedamiła dypłamatam ab pracy nad instrumientam, jaki budzie aryjentavacca na doŭhaterminovyja patreby Ukrainy.
Hety fond budzie stvorany pa ŭzory Jeŭrapiejskaha COVID-fondu i prafinansuje inviestycyi i reformy pa ŭzhadnieńni z ukrainskim uradam.
U toj ža čas, jak adznačaje vydańnie, pakul nieviadoma, jak buduć raźmiarkoŭvacca hranty i kredyty. Krynicy pacvierdzili, što kiraŭnik Jeŭrakamisii Ursuła fon der Lajen pakul nie nazyvaje sumy, pakolki vajna jašče praciahvajecca. Adnak ličba dasiahnie sotniaŭ miljardaŭ jeŭra.