Kniha pra ajčynnuju vajskovuju simvoliku «biełaruskaha Chuha Bosa» pryznana ekstremisckaj
Kniha Viktara Lachora «Vajennaja historyja Biełarusi. Hieroi. Simvały. Kolery» pryznana ekstremisckimi materyjałami i ŭklučanaja ŭ adpaviedny śpis na sajcie Mininfarma, piša reform.by.
21.04.2022 / 08:11
Fota: asabisty archiŭ
Rašeńnie ab pryznańni knihi ekstremisckaj pryniaŭ sud Leninskaha rajona Hrodna 18 krasavika.
Viktar Lachor — viadomy biełaruski mastak-hieraldyst, člen Hieraldyčnaj rady pry prezidencie z 2001 pa 2018 hod, aŭtar dziasiatkaŭ hierbaŭ i ściahoŭ biełaruskich nasielenych punktaŭ i rajonaŭ. Taksama jon — raspracoŭščyk formy i emblem dla siłavych struktur Biełarusi, u tym liku AMAPa, HUBAZiKu. «Možna skazać, što ja Chuha Bos, jaki SS malavaŭ mundziry», — kazaŭ Lachor «Miedyjazonie».
Kniha 2019 hoda «Vajennaja historyja Biełarusi. Hieroi. Simvały. Kolery» — ilustravanaje vydańnie pra vajskovuju simvoliku na biełaruskich ziemlach.
Sioleta ŭ studzieni Viktar Lachor pakinuŭ Biełaruś. Mastak praciahvaje atrymlivać zakazy, u tym liku, z Biełarusi — da jaho źviartajucca z prośbaj raspracavać hierby haradoŭ i rajonaŭ.
— I ŭ hieraldyčnaj radzie bačać, što ja rablu hierby i ściahi. I zacviardžajuć ich. I Łukašenka zacviardžaje ich, — kaža hieraldyst.